كيكة الأناناس

 

 كيكة الأناناس

  

جايبة لكم اليوم طريقة عمل كيكة الأناناس
وهي من صنع إيدي
بدي تجربوها وتقولولي شو رأيكم

.

المقادير :
للكيكة
3 بيض
3 فانيلا
3 بيكنج باودر
1.5 كوب دقيق
كوب عصير ( يفضل البرتقال )

مقادير الكراميل :
كوب سكر
نصف كوب ماء

للتزيين:
علبة أناناس وماء الأناناس لتسقية الكيكة


الطريقة :
أول شي بنعمل الكراميل
بنجيب الصينية الي بدنا نعمل فيها الكيكة
وأنا اخترت القالب المدور لأنه أسهل شي
بنضعه على النار وبنحط الماء والسكر وبنظل نقلب حتى يصير لونه على بني
يعني مثل الكراميل الجاهز .. .
بعد هيك : بنجيب قطع الأناناس وبنحطها في الصينية بشكل مرتب

طريقة الكيكة:
( طبعا بتكون كيكة اسفنجية بدون زيت )
يضرب البيض والفانيلا والسكر بالخلاط حتى يتضاعف الحجم
بنضيف الدقيق الممزوج بالكينج بادور مع العصير حتى يصير قوام الكيكة مقبول
بعد ما نخلص بنصب الخليط في صينية الكيكة المجهزة
وبنحطها بالفرن ( أنا بحطها على حرارة 16)
يعني بدها حوالي 40 دقيقة حتى تستوي
بعد هيك بنخليها تبرد شوبة وبنقلب الكيكة وبنصب عليها ماء الأناناس علشان تتطرا شوية
وبنخليها تبرد على راحتها وبنزينها بشوية أناناس